2016 ~ Lirik Lagu Nias

Minggu, 25 September 2016

Itörö Tödö

Töra döfi zino numalö..
Öröido mofanö’ö
Lö turia soroi khömö
Ba wamatunö heza mbanua so’ö

Ha samuza me tohare’ö..
Ha wa’omuso dödö
Uwai ba wamatunö
Buu-buu liu ba zino numalö

Tokea do me öfatunö..
Eluaha wangawulimö
Wamaondragö satuamö..
Yaugö tefaötö
Mowöi khögu dawa hörö
Hawa’afökhö ba dödö
Na ero itörö tödö.. Buu liu ba zilalö

Ya’e koda awö zuramö..
Ufangawuli khömö
Lö guna u’irö’ö..
Me ya’ita ba fabali sa’atö

Fitu Fakhe

Me öhalö angetula ha sambalö fabali
Öröido tuho dödö
Öwaö so niha bö’ö zi tebai fabali khöu
Me no moroi ba mböröta

Fitu fakhe no numalö me fabali ita
No taya ba dödögu
Lö udöna-döna öfuli ndra’ugö
Ba lö manö sa’ae ba dödögu

Ö’ondrasido ötutunö ngarö dödö
Öwaö faniasa
Faohahau dödö lö ösöndra ba mbö’ö
Sagötö fabali

He ö’andrö khögu öfuli ndraugö
Ba lö manö sa’ae ba dödögu

Dududuuuu… lö sa’ae ba dödö
Dududuuuu… böi angarö ba khögu

Haya'ugö

No ufabu’u ba dödögu
Wa lö tödögu khö niha bö’ö
He oya daha-taha simöi famatimba
No u’osambalö’ö dödögu

He ilau teu he ilau lökhö
He ilau mbade he duru danö
Lö sa’ae tödögu ba niha bö’ö
Ha ya'ugö khögu tuho dödö

Faduhu sibai bakha ba dödögu
Wa lö olifu’ö mbu’usa li mö
Ya lö tebulö-bulö wa'omasimö khögu
Simane fa'omasigu khömö
Ya lö tebulö-bulö wa’omasimö khögu
Simane fa’omasigu khömö

Baloi Khöu Matiri

Tenga börö ndrao nakhi tenga wa lö faomasi
Tenga wa lö u’o’ozui wanataögö waomasi
Oya zimöi famabali oya zimöi tahi-tahi
Enaö enaö dödöda lö omasi fabali

U bözi dödö fa’alai alai wa lö harazaki
Hadia lalagu wanga’i tödö zatua solomasi
Amada khöu wa’amui abe’e högö odangi
Lö itehe zimöi na tenga matiri

U’ila ndraodo nakhi wa tenga matiri
Andrö uwuwudo furi wa lö u’o’ozui
Hadia guna ube’e li na satua mö lö omasi
Sökhi yaita fabali baloi khöu matiri

Mehaya'ugö

Lö u'ila ututunö lö ligu wangumaö
Ha waomasigu khömö
Andrö ufakhoi ba dödö lö
ulaudo ba mbö'ö
Me hayaugö

Lö irai taya ba dödö
Zikhalau me awena u'ilaö
He wa'ae no utandraigö ufakifu hörö
Lö sa'atö

He wa'ae aröu ba hörö ahatö ba dödö
Me lö simane yaugö sambalö ubase'ö

Me hayaugö wondrara dödö
Lö niha bö'ö simöi fangalimö
Me hayaugö wondrara dödö
Lö niha bö'ö simöi fangalimö

Opödö Pödö

Daelu-daelu mbotomö irai dödö
Fefu hörö mangebua melafaigiö
He tangau he aheu mangiwa dödö
Ha sambua li gu: opödö-pödö

Faalawa waafusi möi nifaanö
He bu mö he hörömö ho araidö-raidö
Amuatau fehedeu alulu dödö
Ha sambua li gu: opödö-pödö

Uwaö khöu menaö nösi dödö
Ataudo wö khigu ma mofönuö
Naufaema ba nangi ma lö ikhamö
Lö lala khögu khigu ba wangumaö

Maena fondrara dödö me ötutunö
No öoulini mangumaö mae balö molö
Me urasoi laluagu aoi kafutö
Ha sambua li gu: opödö-pödö

Akhigu Mburu Ge'e

No ara no ufaoze-faoze
Akhigu sotöi mburu gee
Ero na möi ba hari mbale
Lö aetu hörögu woleke
Waalösö na muhede
Lö khönia wamaoe-maoe

Ufahatödo ufahede..
Uotana ia fakese
Uwaö khönia hadia fatehe
Namöido mamee fehede
Iwaö fatenge dalake..
Na si oroi dödöu wee

No ufalala uforege..
Ba no ufatenge dalake
Iwaö amada lö itehe..
Me yao niha silo kefe
Lö itehe na tenga fagawe

Muzawa

Mege sa si to’ölö manö
Lö hadöi ia khögu ba dödö
Ato nawögu fao wofanö
Ba zifahuwugu no sihulö zi fatalifusö
Ato nawögu fao wofanö
Ba zifahuwugu no sihulö zi fatalifusö

Me inötö falukha khömö
Tumbu wabö’ösa ba dödö
He no sa u’ositengagö
So sa ba dödögu edöna na itugu ahatö
He no sa u’ositengagö
So sa ba dödögu edöna na itugu ahatö

Muzawa muzawa dödögu na ara lö u’ila’ö
No aröu sibai sa’ae fabö’ö dödögu
moroi ba zilalö
Muzawa muzawa dödögu na lö
fao ndraodo khömö
Ma’ökhö manö lö u’ila’ö lö khögu fa’ahono dödö

Baloi Khigu

Baloi khigu taha ua dõdõmõ
Fefu zino tabu’u.. Tenga lõ badõdõgu
Walõ alio a’ozu.. So simõi taha taha
Uandrõ khõu bõi lau õ ba mbõ’õ
Aro’õ dõdõu khõgu.. Bõi fodombua dõdõmõ
Naso atõ ginõtõ batalau mo ngambatõ

Faduhusi tõdõu akhigu.. Fefu zino u’wa õ khõu
Tenga hasalua mba mbewegu
Nosoi oroi badõdõgu sindruhu
Haya ugõ zino ufili ba wa aurigu
Uandrõ khõu bõi lau õ ba mbõ’õ
Aro’õ dõdõu khõgu.. Bõi fodombua dõdõmõ
Naso atõ ginõtõ batalau mo ngambatõ

Faduhusi tõdõu akhigu.. Fefu zino u’wa õ khõu
Tenga hasalua mba mbewegu
Nosoi oroi badõdõgu sindruhu
Haya ugõ zino ufili ba wa aurigu

Faduhusi tõdõu akhig.. Fefu zino u’wa õ khõu
Tenga hasalua mba mbewegu
Nosoi oroi badõdõgu sindruhu
Haya ugõ zino ufili ba wa aurigu
Haya ugõ zino ufili ba wa aurigu ho.....

Fangelama

Voc. Rocky. B. F. Duha

No'ubali'ö fangelamagu
Ubaliö degu-degu
Nirasoigu sino ufalukhaisi
Götö wefaoda akhigu
Ndege uwa'ö, ba ufabu'u
Fefu nifalu-faluagu
Ndege da'a u'etu'ö
Lö sa'ae ulau ufatohu

Reff :
Sabua tebai taya lö gu'olifu
Ba wo laumö khögu akhigu
Ö'hare'ö khögu zitenga salagu
Öbe noro dödö zi tenga halöwö dangagu....
Ho.... Ho... Halöwö dangagu

Akhi

Voc. Daniel Folala Zalukhu

Tokea dödögu, Me'e atötö'u
Me ofeta khögu duriau he akhigu
No öröiga fefu ösawa mbanua
Sahono dödö
No la oigö dödö ira satuamö
Wolohe ya'ugö ba nomo zofökhö
Me awai ginötö nitehe zokhö
Öröi guli danö

Reff :
Akhi.... Ha lö alio ölau mofanö
Lö niha bö'ö fangalimö tuho dödö
Akhi.... Hadia ube fondara dödö
No öröi khögu zokolingö tuho dödö
Ha tö kodamö si ha sagörö
Ni'ila hörö bongi he ma'ökhö
Na itörö tödö gamuata silalö
Sambalö so kökö dödögu wolaumö
Wefaoda silalö no so ba dödö
Tebai utayaigö

Haogö Angeraigö

Cipt: Folala Zalukhu, Vokal: Folala Zalukhu

Alai na soroi ba dödömö
Wa’omasimö si no öfaehagö
Na’ufaigi na’uhaogo u’anehegö
Tenga sinangea ndrao möi tambalimö

Ha wa lö öhaogo angeraigö
Wa faniasa zalua khöu dania fanahigö
Me fa’aurigu motafali motoböbö
Ba wa’alumana fa’atosasa dödö

Ha wa lö khöu famakhölö
Wa lö öfaigi fasuimö
Hadia si’ai gohitömö khögu
Niha si lö halöwö

Hadia khi lö niha bö’ö
So mbaloi fa’omasimö
Si fakhili si fagölö
Khömö yaugö sitehengö

Bözi Dua Talumbongi

Vokal: Yuni Lase

Me bözi dua talumbongi ulau mangifi
Tenga baluo hari bö’ö no hari kami
Töila taragu ndarugö so zabu dödö
Hadia zalawö-lawö’ö lö ö’ombakha’ö

Hadia zi so ba dödömö..
Ba böi bini’ö bakha manö
Hadia zi so ba dödömö
Ba böi bini’ö bakha manö
Tehasu bakha dödögu tokea ndraodo
Hulö zi so’ö ba zingagu ba wangifigu

Hulö zi lö ba dödömö.. Ga’a me ufahede’ö
Hulö zi lö ba dödömö.. Ga’a me ufahede’ö
Hulö na so zabao dödömö ba khögu
Hadia meno ide-ide zekolagu
Lö utahigö no da’ö wangandrögu
Ba fa’omasi ha da’ö zi so khögu
Ba zimate’ö ba da’ö aetu nosogu
Ae ba la’ua le

Angetulamö

Cipt: Yasman Hulu

Afökhö na u’angeragö..
Wefao-faoda ba zilalö
Öwa’ö no angetulamö
Alui ga’a sae niha bö’ö

Enaö na öwaö ba zilalö
Lö fanehe khö zatuamö
Lö simane lala no’utörö
Ba wobaloi angetulamö

Öröi zafökhö ba dödö
No öroi ndroi sokolingö
No amaedola zuzumö
Tebai tetuli afökhö

Akhigu akhi omasiö
Mofanödo ba toröi’ö
Me da’ö zomasi zatuamö

Amuri

Bulu geu satoru sifao ba nangi
Mofanö itöröi guli nasi
Muhombo lö sa’ae mangadrauli
Ahani lö sa’ae mangawuli
Amaedola ndraono si hasamösa
Lö awö ba lö göi talifusö
Lö satua sa so ndrorogö mboto
Andrö ilau mukoli ba zaröu

No simanö lala niha ba wa’auri
Hulö dambalou so möi yawa so möi tou
No simanö mbagia me ono sawuyu
Meno fangandrö me so ba dalu
Ulau halöwö fao hanuwe ba wanaha fa’olofo
He afökhö he manuköu utaha manö

Ba böi fakhölö öfaigi furi.. Böi aetu dödö aetu zinali
Otahögö föna ohe gamuri.. Irege ökhamö yevo nasi
Duma-duma niha gulidanö..
Saro si lö taya tötönafö
He moteu mosino ba molökhö
Itaha me so gohitö dödö

Sala Aökö

Vokal: Ivan Tel

Salö aökö wa’auri tou ba gulidanö

Fökhö mokhö ita la’alui wamökhö
Na numanda zui la’osiwawöi manö
Sala aökö hezo ta’iagö ba da’ö

Na abölö afökhö dödöra ba da’ö
Na amomo lawaö bodo niha da’ö
Na onekhe lasöbi tou gahe da’ö
Sala aökö hezo ta’iagö ba da’ö

Hadia menaö na so khöda
wa’omasi zikhö
La’uma nawöra na fasulö
Ba lö hadöi khöra tödö
fakhögu samanö
Ebua wahuwusara ba nawö

Sulö Töla Nosu

Vokal: Taty Mendröfa

He ga’a si no uröi furi
Si so ba nahia wa’oriri
U’ila wa lö ö’alui zalahi
Me no faoma khöda wa’omasi
si tebai taröi

Baloido baloido baloi
Honogö dödöu moroi furi
Aro dödöu zi no uzazi lö ubagi
Me haya’o khömö döla nosu si no ifili

He angi fa’ema khönia wangorisi
Waö khönia da’ibaloido wangawuli
He ga’a tödögu falukha ita zui
Ta fazazi fondragödö ba labuha angi

O'öli Zatuau

He mbotogu no aröu ba zingamö
Tödögu nakhi fa’omasigu no toröi khömö
He na tenga ya’ugö zanötö
Böi be’e salagu fefu da’ö lö mu’odödögö
Börö nakhi wehede safökhö..
Utaögö no simanö

Taria manö lö u’ila mörö
Wo’angeraigö wefao-faoda ba zilalö
Ba ha börö-börö niha bö’ö
Somasi khömö so’okhöta safönu fokhö
La’ua nakhi hadia uwa’ö.. Utaögö wa’abudödö

Börö wa’ailagu fa’anumanagu
Andrö ebuaö gahegu möido ba zaröu
Afökhö dödögu wamaigi ya’ugö
So niha bö’ö niha zi so moroi khögu

O’ö nakhi li zatuau.. O’ö nakhi li zatuau

Afökhö dödögu wamaigi ya’ugö
So niha bö’ö no mudadao so ba zingau
Falö alu’a li gu ha tawa hörögu
U’ezosi nakhi utölö lö ruru

Maedo-Maedo

Böi olifu böi arörö.. Erai ngaluo ba döfimö
He talifusö alai da’ö.. Maniasa’ö ba ginötö

Sarörö’ö ba hokhamö.. Na so gefeu lö te’irö
He talifusö alai da’ö.. Sageu ya’ugö wo’ömö

He talifusö maedo-maedo ube’e khöu
Ya’o mege me awuyu
Ulafoyoi yawa mba’e ba hogu geu
No ukhamö ba wolangisi elefu

He talifusö asöndru dödö mongenu
Inötö tebai mbotogu
Urasoi wamelai asio lö mangulu
Ba me’u’usu dalu lada lö aetu

Hiza ube’e zinofu.. Haniha nitahigögu
Hiza ube’e zinofu.. Haniha nitahigögu

Inagu

Fatutu mbongi inagu ösawa nahia wemöröu
Ahono mboto tödöu lö aetu öfatou
Hewöisa wa’auri ndraonou
Me lö sa’ae lö samatohu lahe

U’ila nagu numana ba fa’oriri ni taögöu
Atata dölau he olofo lö faduliu
Meno so gohitö dödöu
Enaö möi sökhi mofozu wa’aurigu

Hadia ube’e sulö si tobali
fanörö tödö khöu nagu
Ufa’aso göfa sebua omo razo ube’e khöu
Usu’a danö wa’aröu mani-mani famohadu
Tebai nagu lö usöndra lö amawaö wa’omasiu

Lirik Lagu Nias